ITC PSPD లో INTUC క్యాలెండర్ ఆవిష్కరణ
✍️ సారపాక – దివిటీ (మార్చి 11)
బూర్గంపాడు మండలం సారపాకలోని ITC-PSPD పేపర్ కర్మాగారంలో INTUC నూతన క్యాలెండర్-2025ను యూనిట్ హెడ్ శైలేందర్ సింగ్ చేతుల మీదుగా మంగళవారం ఆవిష్కరించారు. ఈ సందర్భంగా జరిగిన కార్యక్రమంలో INTUC రాష్ట్ర ఉపాధ్యక్షుడు మారం వెంకటేశ్వరరెడ్డి మాట్లాడారు. గత సంవత్సరంలాగే ఈ సంవత్సరం కూడా కార్మికసోదరులందరూ భద్రత పాటిస్తూ, కంపెనీ ముందుకు సాగాలని కోరారు. ఈ సంవత్సరం కంపెనీ మరింత అభివృద్ధి చెంది 8వ ప్లాంట్ ఇక్కడే భద్రాచలంలో త్వరగా ప్రారంభించే విధంగా యూనిట్ హెడ్ శైలేందర్ కార్పొరేట్ స్థాయిలో చర్చించాలని కోరుకుంటున్నామన్నారు. అదేవిధంగా జరగబోయే 14వ వేతన ఒప్పందం కూడా కార్మికులందరికీ ఆమోద యోగ్యంగా ఉండేవిధంగా చూడాలన్నారు. ఈ కార్యక్రమంలో సంస్థ హెచ్ఆర్ హెడ్ శ్యామ్ కిరణ్, INTUC అధ్యక్ష ప్రధాన కార్యదర్శులు గోనె రామారావు, యారం పిచ్చిరెడ్డి, స్టాఫ్ అండ్ వర్కర్స్ యూనియన్, INTUC కార్మిక నాయకులు, కార్మికులు, తదితరులు పాల్గొన్నారు.
