మహిళను కాపాడిన ట్రాఫిక్ పోలీసు
✍️ కొత్తగూడెం – దివిటీ మీడియా (మే 21)
కొత్తగూడెంలో బస్సులో నుంచి జారిపడిపోయిన ఓ మహిళకు ట్రాఫిక్ పోలీసు సాయం చేసి, విధుల పట్ల తనకున్న నిబద్ధత చాటుకున్నారు. స్థానికుల కథనం ప్రకారం వివరాలిలా ఉన్నాయి. కొత్తగూడెం నుంచి ఇల్లందు వైపు వెళ్తున్న బస్సులో తన కొడుకును ఎక్కించిన ఓ మహిళ, అతనికి చిల్లర డబ్బులిచ్చే ప్రయత్నం చేశారు. ఆ ప్రయత్నంలో ఆమె కదులుతున్న ఆ బస్సు ఎక్కుతూ జారిపడిపోయారు. కదులుతున్న బస్సులో నుంచి పడిపోవడంతో తలకు తీవ్రగాయాలు అయ్యాయి. కొత్తగూడెం సూపర్ బజార్ సెంటర్ వద్ద మంగళవారం జరిగిన ఈ ప్రమాదాన్ని అక్కడే విధుల్లో ఉన్న ట్రాఫిక్ హోంగార్డు భట్ట సంజు గుర్తించి, ఆమెను కాపాడి108కు ఫోన్ చేసి హాస్పటల్ కు తరలించారు. ఈ సంఘటనను చూసిన అక్కడున్న ప్రయాణికులు ఆయనను అభినందించారు.
