అటవీ అమరవీరులకు ఘనంగా నివాళులు
✍🏽 దివిటీ మీడియా – కొత్తగూడెం
భద్రాద్రి కొత్తగూడెం జిల్లా లక్ష్మిదేవిపల్లి మండలంలోని సెంట్రల్ పార్కులో సోమవారం అటవీశాఖ ఆధ్వర్యంలో నిర్వహించిన అటవీ అమరవీరుల సంస్మరణ కార్యక్రమంలో పలువురు జిల్లా ప్రముఖులు అమరవీరులకు ఘనంగా నివాళులర్పించారు. ఈ కార్యక్రమంలో పాల్గొన్న జిల్లాకలెక్టర్ డాక్టర్ ప్రియాంకఅల, అడవుల సంరక్షణ విధులలో గొత్తికోయల చేతిలో హత్యకు గురైన ఫారెస్ట్ రేంజ్ ఆఫీసర్ చలమల శ్రీనివాస రావు విగ్రహాన్ని ఆవిష్కరించారు. ఈ సందర్భంగా అడవుల సంరక్షణలో ప్రాణాలు కోల్పోయిన ఉద్యోగుల కుటుంబసభ్యులను శాలువాలతో సన్మానించారు.
ఈ కార్యక్రమంలో జిల్లా ఎస్పీ డా వినీత్, జిల్లా అటవీ అధికారి కిష్టాగౌడ్, తదితరులు పాల్గొన్నారు.
