బీఎస్పీ జిల్లా ఉపాధ్యక్షుడు కేవీ రమణ ప్రివెంటివ్ అరెస్టు
✍🏽 దివిటీ మీడియా – బూర్గంపాడు
సూర్యాపేట ముట్టడికి బహుజన సమాజ్ పార్టీ రాష్ట్ర అధ్యక్షులు డా. ఆర్.ఎస్.ప్రవీణ్ కుమార్ ఇచ్చిన పిలుపుతో బూర్గంపాడులో బీఎస్పీ జిల్లా ఉపాధ్యక్షుడు కేవీ రమణను పోలీసులు బుధవారం ‘ప్రివెంటివ్ (ముందస్తు) అరెస్టు చేశారు. ఈ సందర్భంగా బీఎస్పీ జిల్లా ఉపాధ్యక్షుడు కేవీ రమణ పత్రిక ప్రకటన విడుదల చేశారు. 52శాతం ఉన్న బీసిలకు అరకొర అవకాశాలు కల్పించి, వారిని కేవలం ఓటు బ్యాంకుగానే చూస్తూ వారికి గొర్లు, బర్లు , చేపలు ఇస్తూ, చెరువు కట్ట దగ్గర విందు వినోదాలతో మభ్యపెడుతూ అన్యాయం చేస్తున్నారని ఆవేదన వ్యక్తం చేశారు. ఈ అన్యాయం నిరసిస్తూ బీఎస్పీ రాష్ట్ర అధ్యక్షులు డా.ఆర్.ఎస్.ప్రవీణ్ కుమార్ ఛలో సూర్యపేటకు పిలుపునిస్తే ఓటమి భయంతో రాష్ట్రవ్యాప్తంగా బీఎస్పీ నాయకులను ఎక్కడికక్కడ ముందస్తు అరెస్టులు, గృహనిర్భంధాలు చేస్తున్నారని విమర్శించారు. ఈ అక్రమ అరెస్టుల వల్ల ఆత్మగౌరవ ఉద్యమాలను ఆపలేరని , పోలీసు అరెస్టులకు భయపడేది లేదన్నారు.
తెలంగాణలో రాబోయే ఎన్నికల్లో ప్రజలే ఈ ప్రభుత్వానికి తగిన బుద్ది చెప్తారన్నారు.
