ముక్కోటి ఏకాదశి సందర్భంగా ప్రత్యేక యాప్ విడుదల చేసిన పోలీసుశాఖ
‘క్యూఆర్ కోడ్’ స్కాన్ చేస్తే అన్ని వివరాలు తెలిసేలా ఏర్పాటు
✍🏽 దివిటీ – భద్రాచలం
ప్రముఖ పుణ్యక్షేత్రం భద్రాచలంలో ముక్కోటి ఏకాదశి ఉత్సవాల సందర్భంగా భక్తుల కోసం భద్రాద్రి కొత్తగూడెం జిల్లా పోలీసు శాఖ ప్రత్యేక యాప్, క్యూఆర్ కోడ్ విడుదల చేసింది. జిల్లా ఎస్పీ డాక్టర్ వినీత్ ఆ వివరాలను బుధవారం (డిసెంబర్ 21) విడుదల చేశారు. ట్రాఫిక్ రూట్, పార్కింగ్ స్థలాలు, లడ్డూ ప్రసాదం స్టాల్స్ మరియు వైకుంఠ ద్వారదర్శనం సెక్టార్ ప్లాన్ గురించిన పూర్తి సమాచారం, వివరాలు అందులో పొందుపర్చి భక్తులకోసం విడుదల చేశారు. *https://mukkoti.netlify.app/* లింక్ మీద క్లిక్ చేయడం ద్వారా కానీ ఇక్కడ ఇచ్చిన ‘క్యూఆర్ కోడ్’ స్కాన్ చేయడం ద్వారా కానీ భక్తులు ఆ వివరాలన్నీ తెలుసుకునే అవకాశం కల్పించారు. భక్తులు ఈ సమాచారం సద్వినియోగం చేసుకోవాలని ఎస్పీ డాక్టర్ వినీత్ కోరారు.
