సారపాకలో ఆదివారం కట్టమైసమ్మ ఉత్సవాలు
✍️ సారపాక – దివిటీ మీడియా (మే 25)
భద్రాద్రి కొత్తగూడెం జిల్లా సారపాకలోని సుందరయ్య నగర్ లో వేంచేసియున్న శ్రీకట్టమైసమ్మతల్లి తృతీయ వార్షికోత్సవాలు ఆదివారం (మే 26) నిర్వహిస్తున్నట్లు నిర్వాహక కమిటీ సభ్యులు ఓ ప్రకటనలో పేర్కొన్నారు. ఈ ఉత్సవాల్లో భాగంగా అమ్మవారికి విశేషపూజలతో బోనాలు నిర్వహించనున్నట్లు వెల్లడించారు. ఈ వార్షిక ఉత్సవాల్లో భాగంగా ఆలయం వద్ద అన్నసంతర్పణ ఏర్పాటు చేసినట్లు నిర్వాహకులు వివరించారు. ఈ ఉత్సవాల్లో భక్తులు తరలివచ్చి పాల్గొని అమ్మవారి కృపాకటాక్షాలు పొందాలని వారు కోరారు. కార్యక్రమం, పూజల వివరాల కోసం సెల్ నెంబర్లు 8008445913, 8106300391, 9963112004 లో సంప్రదించాలని కోరారు.
