ఆరడుగుల నాగుపాముని కాపాడిన స్నేక్ క్యాచర్
స్నేక్ క్యాచర్ దోర్నాల రామకృష్ణను అభినందించిన మధిరవాసులు
✍️ మధిర – దివిటీ (నవంబరు 8)
మనిషి నుంచి ముప్పుందని పాము భయపడితే, అదే పాము కాటేస్తుందేమోనని మనిషికి భయం. ఇలాంటి పరిస్థితుల్లో పాముకే ప్రాణభయం అధికం. ఖమ్మంజిల్లా మధిరలో ఈ పరిస్థితుల్లోనే ఆరడుగుల నాగుపామును తననైపుణ్యంతో కాపాడి స్థానికులందరి అభినందనలు అందుకన్నారు స్నేక్ క్యాచర్ డోర్నాల నాగరాజు. స్థానిక ప్రజలు తేలికగా ఊపిరిపీల్చుకున్న ఈ సంఘటనపై
వివరాలిలా ఉన్నాయి… మధిర పట్టణంలోని శ్రీకృష్ణుని ఆలయం వద్ద ఆరడుగుల త్రాచుపామును స్థానికులు గమనించి ఆందోళన చెందారు. వెంటనే కొందరు ఆర్కే ఫౌండేషన్ రెస్క్యూ టీమ్ సభ్యుడైన స్నేక్ క్యాచర్ దోర్నాల రామకృష్ణకు సమాచారమందించారు. వెంటనే వచ్చిన రామకృష్ణ ఆ పామును బంధించి సురక్షితంగా తిరిగి అడవిలోనికి వదిలేశారు. ఈ మధ్యన తరచుగా పాములు జనావాసాల్లోకి వస్తుండగా పట్టణ ప్రజలు భయభ్రాంతులకు గురవుతున్నారు. ఈ పరిస్థితులలో ఎలాంటి జాతి పామునైనప్పటికీ చిటికెలో బంధించి అడవిలోకి వదిలి వేస్తూ, ఇటు ప్రజలను, అటు ఆ పాములను కాపాడుతున్న రామకృష్ణ సేవలను మధిర ప్రజలు పలువురు అభినందిస్తున్నారు.
